Posts in category: Skin Health & Prevention

የቦቶክስ ህክምና

• ከመጠን በላይ ለሚያልበው በተለይ እጅ እግር ብብትና ፊት
• በእድሜ ወይም በመኮሳተር ለሚመጣ የፊት መስመሮች

ቦቶክስ ፍቱን መድሀኒት ነው።

ዶ/ር ዳዊት ዮሐንስ

ስልክ 0912050354

ingrown nail(የጥፍር ቆዳ ውስጥ መግባት)
👉 በብዛት የሚከሰተው የእግር አውራጣት ጥፍር ላይ ቢሆንም ማንኛውንም ጥፍር ሊያጠቃ ይችላል
ምክንያቶች
👉 ጠባብ ጫማ ማድረግ እና ጥፍርን በአግባቡ ያለመቁረጥ ዋናወቹ ናቸው
👉 በተጨማሪም አደጋ እና ጥፍር ከጣት አኳያ ትልቅ ከሆነ ሊያስከትሉ ይችላሉ
ምልክት
👉 መቅላት ማበጥ እና ህመም ይኖረዋል
👉 ኢንፌክችን ፈጥሮ መግል ሊይዝ ይችላል
ህክምና
👉 ሞቅ ባለ ውሀ ለተወሰኑ ደቂቃወች በቀን ከ3-4 ጊዜ መዘፍዘፍና ማድረቅ
👉 ምቾት ያለው ጠባብ የሆነ ጫማ ማድረግ
👉 የህመም ማስታገሻ መውሰድ
👉 ጥፍሩን ቀስ አርጎ አንስቶ በጥፍሩ እና በቆዳው መሀል ጥጥ መጨመር:: ጥጡን በየቀኑ መቀየር
👉 እንደ መጨረሻ አማራጭ በቀዶ ህክምና ማስወጣት። ክሊኒካችን ቢመጡ በቀላሉ በቀዶ ጥገና ይስተካከላል
ዶ/ር ዳዊት ዮሀንስ
የቆዳና የአባላዘር ህክምና ስፔሻሊስት

አስደሳች ዜና ላብ ለሚያስቸግረው
ከመጠን ያለፈ ላብ (hyperhydrosis)

• ከሙቀት ወይም እንቅስቃሴ ጋር የማይገናኝና በብዛት በማላብ ልብስን ወይም እጅን በላብ መዝፈቅ ነው
  ምክንያቶች
• ከልጅነት ጀምሮ እስከ 24 ዓመት የሚከሰት ከሆነ ያለ ምንም ምክንያት ሊከሰት ይችላል
• ከ30- 50 % ጊዜ በቤተሰብ ተመሳሳይ ችግር ሊኖር ይችላል
• ከ25 ዓመት ቡሀላ የሚከሰት ከሆነ ግን ብዙ ምክንያቶች ሊኖሩ ይችላሉ
  _ የስኳር ህመም ኤች አይ ቪ
  _ ቲቢ በተለይ ላቡ ማታ የሚብስ ከሆነ
  _ የታይሮይድ እና አድሬናል ዕጢ ችግር
  _ ማረጥ
  _ የልብ ህመም አንዳንድ ካንሰሮች
  _ የነርቭ በሽታ ወይም መጎዳት
  _ መድሀኒቶች በተለይ ለድብርት ለህመም ማስታገሻ የሚሰጡ
  አይነቶች
• እጅ እግር ብብት ወይም ፊት ላይ የተወሰነ ሊሆን ይችላል
  _ ብዙ ጊዜ ያለ ምንም ምክንያት ይከሰታል
• ሙሉ ሰውነት ላይ ሊከሰት ይችላል
  _ ከላይ ከተዘረዘሩት አንዱ ሊያመጣው ይችላል
  ህክምና
• የሚቀባ የሚቀመም እና የሚዋጡ መድሀኒቶች አሉ
• አልሙኒየም ያላቸው ዲዎድራንቶችን መጠቀም
• ቅመማቅመም ሽንኩርት የበዛበት ምግብ መቀነስ በተለይ ከላቡ ጋር ሽታ ካለ
• ካፌይን ያላቸው እንደ ሻይ ቡና መቀነስ
• ሰውነትን ቶሎ ቶሎ መታጠብ
• ከጥጥ የተሰሩ እና ቀለል ያሉ የሚያናፍሱ ልብሶችን መልበስ
• በአዮንቶፎረሲስ በሚባል መሳሪያ ላብን ማከም
• በክሊኒካችን ቢመጡ በዘመናዊ iontophorosis ማሽን የብብት የእጅ እና የእግር ላብዎትን እናክምዎታለን።
  ዶ/ር ዳዊት ዮሀንስ
  የቆዳና የአባላዘር ህክምና ስፔሻሊስት

የቆዳ አስም

• በብዛት የሚታይ የቆዳ መቆጣት እና የውስጥ አለርጂ ሲሆን ብዙ ጊዜ ገና በልጅነት ዕድሜ ይጀምራል
• ከአጠቃላይ ህዝብ 20 % የሚሆነው በዚህ ህመም ሊጠቃ ይችላል
  ምክንያቶች/አባባሽ ነገሮች
• በዘር መጋለጥ
• በታማሚው ወይም በቅርብ ቤተሰብ ላይ አስም ወይም ሳይነስ ሲኖር
• በተፈጥሮ ደረቅ እና ቶሎ የሚቆጣ ቆዳ ሲሆን
• በዋናነት ያለምንም ምክንያት የሚከሰት የውስጥ አለርጂ ሲሆን እንደ እንቁላል: ወተት እና ለውዝ
  የመሳሰሉ ምግቦች አልፎ አልፎ ሊያባብሱት ይችላሉ
• ቶሎ ቶሎ መታጠብ
• በጠንካራ ሳሙናወች በተለይ በልብስና በዕቃ ሳሙናወች መታጠብ
• ቀዝቃዛ እና ደረቅ አየር (የበጋ ወቅት)
• የሚኮሰኩሱ ልብሶች
• ላብና ሙቀት
• ኢንፌክሽኖች
  ምልክቶች
• ከፍተኛ የሆነ ማሳከክ
• ጥፍት ምልስ ማለት
• ደረቅ ቆዳ
• የቆዳ ሽፍታወች: የቆዳ መቅላት: የቆዳ ማዠት
• እየቆየ ሲሄድ የቆዳ መወፈር እና መጥቆር
• ኢንፌክሽን ሲይዝ መግል መፍሰስ
• ከ2 ዓመት በታች በሆኑ ህፃናት ላይ የሚወጣው ፊት: ጭንቅላት: ጀርባ: እጅ ወይም እግር ላይ ሲሆን
• ከፍ ያሉ ህፃናት እና አዋቂወች ላይ መተጣጠፊያ ላይ ይወጣል
  ህክምና
• በሽታው አለርጂ ስለሆነ ሊመላለስ እንደሚችል እና ህመሙን መቆጣጠር እንጂ ሙሉ ለሙሉ ማጥፋት እነደማይቻል ማስረዳት
• የቆዳ ቅባቶች እንደ ቫዝሊን: ፓራፊን ወይም ሌሎች ኦይሎችን በየቀኑ መቀባት
• ሰውነት መታጠብን መቀነስ
• ወዛማ የሆኑ እንደ ዶቭ ወይም ጆንሰን ያሉ ሳሙናወችን ወይም ሻወር ጄል ለገላ መጠቀም
• ከጥጥ የተሰሩ ለስላሳ ልብሶችን መልበስ
• ልብስ ከታጠበ ቡሀላ በደንብ ማለቅለቅ
• ላብና ሙቀት እንዳይፈጥር ልብስ አለመደራረብ
• የሚያባብሰው ምግብ ካለ ደጋግመን አይተን እርግጠኛ ስንሆን ነው ማቆም ያለብን
• የቆዳ ሀኪም ጋር ክትትል ማድረግ
• የተለያዩ የሚቀቡ እና የሚዋጡ መድሀኒቶች ይኖራሉ
• ኢንፌክሽን ካለ ማከም
• ለአለርጂ የምንወስዳቸው መድሀኒቶች የጎንዮሽ ጉዳት ስለሚያስከትሉ በሀኪም ትዕዛዝ ብቻ መወሰድ ይኖርባቸዋል
  ዶ/ር ዳዊት ዮሀንስ
  የቆዳና የአባላዘር ህክምና ስፔሻሊስት

Paederus dermtitis (Nairobi fly dermatitis) (ናይሮቢ ዝንብ ደርማታይተስ ምንድን ነው ?
👉 ናይሮቢ ዝንብ በምትባል ነፍሳት የሚከሰት
     የቆዳ መቆጣት ነው።
👉ነፍሳቷ በምትነካካ ወይም በምትጨፈለቅ ጊዜ
     pederin (ፔድሪን) የተባለ መርዛማ ኬሚካል 
     ትለቃለች ። ይህም ኬሚካል ቆዳን ያስቆጣል።
👉ምልክቱም የቆዳ መቅላት ፣ የማቃጠል ስሜት
     ሲቆይ የቆዳ መጥቆር ፣ መላላጥ ፣መግል
     መያዝ ምልክቶች ይታያሉ ።
👉በግንቦት በሰኔ እና በሐምሌ ወራቶች ላይ
     በብዛት ይከሰታል።
👉የበሰበሰ ቅጠላ ቅጠል መኖሪያ አካባቢ መኖር፣
     መሬት ላይ መተኛት ፣ አጋላጭ ሁኔታዎች
     ሲሆኑ
👉ፀረ ነፍሳት ኬሚካል መርጨት ፣ ሰውነትን
      በሚገባ መሸፈን፣  መከላከያ መንገዶች
      ናቸው።
👉 በፍጥነት ሕክምና ማግኘት የቆዳን መቆጣት
      ከመቀነሱም በተጨማሪ የቆዳ መጥቆርን እና
      ተጨማሪ የባክቴሪያ ኢንፌክሽን ላለመጋለጥ
      ይረዳል ።
ዶ/ር ዳዊት ዮሀንስ
የቆዳና የአባላዘር ህክምና ስፔሻሊስት
ጥላ የቆዳና የአባላዘር ህክምና ልዩ ክሊኒክ
አድራሻ ቦሌ ቡልቡላ ማሪያም ማዞሪያ ፀሀይ ህንፃ ስልክ 0912050354 / 0967253625