አልማዝ ባለጭራ

አልማዝ ባለጭራ(Herpes zoster)
ጉድፍ የሚባል በብዛት ልጆችን የሚያጠቃ ቯሪሴላ ዞስተር በተባለ ቯይረስ የሚከሰት ህመም ሲድን ነርቭ ውስጥ ተደብቆ ይቆይና ሰውነታችን በሚጎዳበት ጊዜ ቫይረሱ በድጋሚ ተመልሶ ተባዝቶ ሲወጣ አልማዝ ባለጭራ ያመጣል::
አጋላጭ ነገሮች

• በኤች አይ ቪ ወይም በሌሎች ምክንያቶች የበሽታ መከላከል ዐቅም መቀነስ
• የዕድሜ መግፋት በተለይ ከ60 ዐመት ብሀላ
• ሴት ፆታ
• ጭንቀት ወይም stress
• አልኮል መጠቀም ማብዛት
• የወጣበት ቦታ ላይ ቀደም ብሎ ኦፕራሲዮን ተደርጎ ወይም አካላዊ ጉዳት ደርሶ ከሆነ
• 20 % የሚሆነው ያለምንም አጋላጭ ነገር ሊከሰት ይችላል
  ምልክቶች
• በብዛት ውሀ የቋጠሩ አንዳንዴም ያልቋጠሩ አንድ ቦታ ላይ ሰብሰብ ያሉ ትንንሽ ሽፍታወች
• ሽፍታወቹ የሚወጡት ከሰውነታችን መሀል አካፋይ በግራ ወይም በቀኝ በኩል ሆኖ የሰውነታችንን መሀል አያቓርጡም
• ውጋት ወይም ማቃጠል ያለው ከባድ ህመም በተለይ ዕድሜያቸው የገፋ ሰወች ላይ ይብሳል
  ህክምና
• በልምድ ወይም በባህል ዘመናዊ ህክምና በሽታውን ይደብቀዋል የሚባለው የተሳሳተ አመለካከት ነው
• ሽፍታው በሂደት በራሱ ቢጠፋም አሳይክሎቪር የሚባል ፀረ- ቫይረስ መድሀኒት መውሰድ ቶሎ እንዲጠፋ ያደርገዋል
• በዋናነት ትኩረት ተሰጥቶ መታከም ያለበት በሽታው የሚያመጣው የውጋት ህመም ነው
• የተለያዩ የነርቭ ህመምን የሚያስታግሱ በተለምዶ ከምንጠቀምባቸው የህመም ማስታገሻወች ለየት ያሉ መድሀኒቶች ከ1 ወር – 3 ወር መወሰድ አለባቸው ዶ/ር ዳዊት ዮሀንስ የቆዳና የአባላዘር ህክምና ስፔሻሊስት ጥላ የቆዳና የአባላዘር ልዩ ክሊኒክ ስልክ 0967253625 / 0912050354