የማህፀን ፈሳሽ

የማህፀን ፈሳሽ(vaginal dischage)

• ሁሉም ሴቶች ላይ በተለይ ለአቅመ ሄዋን ከደረሱ ቡሀላ መጠነኛ የሆነ በማህፀን የሚመጣ ፈሳሽ ይኖራል
• ይህ ፈሳሽ በተለይ በእርግዝና ወቅት: በፆታዊ ግንኙነት ግዜ: የወሊድ መከላከያ እንክብሎች ሲወሰዱ እና የወር አበባ በታየ በ14ኛው ቀን ላይ ይጨምራል
• በዕድሜ ምክንያት የወር አበባ በሚቆምበት ጊዜ ፈሳሹ ይቀንሳል
• ጤናማ ፈሳሽ የሚባለው አነስተኛ (ከ1- 4 ሚ.ሊ) ንፁህ: ውሀ ቀለም ወይም ነጣ ያለ እና ሽታ የሌለው ነው
• ጤናማ ያልሆነ ፈሳሽ ምክንያቱ ብዙ ቢሆንም ዋና ዋናወቹ
  *የማህፀን ጫፍ ኢንፌክሽን የሚያመጡ እንደ ጨብጥ የመሳሰሉ እና ሌሎች የአባላዘር በሽታወች
  *በፆታዊ ግንኙነት የማይተላለፋ ካንዲዲያሲስ የሚባል ፋንገስ እና ባክቴሪያል ቫጂኖሲስ የሚባሉ ከማህፀን ጫፍ ውጪ የሚከሰቱ ኢንፌክሽኖች
  *አልፎ አልፎ ካንሰሮች በተለይ የማህፀን ጫፍ ካንሰር በተለይ ፈሳሹ ከደም ጋር ከተቀላቀለ

1. የማህፀን ጫፍ ኢንፌክሽን የሚያመጡ እንደ ጨብጥ የመሳሰሉ እና ሌሎች የአባላዘር በሽታወች አጋላጭ ነገሮች
   • አዲስ ወይም ብዙ የፆታዊ ግንኙነት ጓደኛ
   • ኮንደምን ባግባቡ አለመጠቀም
   • አልኮል እና ሌሎች ሱሶችን መጠቀም ወዘተ…
     ሲሆኑ ምልክታቸው ሽንት ሲሸና ከባድ ማቃጠል: ቢጫ ከለር ያለው ሽታ ያለው በዛ ያለ ፈሳሽ ነው
2. በፆታዊ ግንኙነት የማይተላለፋ ካንዲዲያሲስ የሚባል ፋንገስ እና ባክቴሪያል ቫጂኖሲስ የሚባሉ ከማህፀን ጫፍ ውጪ የሚከሰቱ ኢንፌክሽኖች አጋላጭ ነገሮች
   • ቶሎ ቶሎ ማህፀንን መታጠብ
   • በማህፀን የሚቀመጥ የወሊድ መከላከያ ሲኖር
   • ውፍረት
   • ፆታዊ ግንኙነት ሲበዛ
   • ፀረ ባክቴሪያ መድሀኒቶችን ቅርብ ጊዜ መጠቀም
   • ጥብቅ ያለ የውስጥ ልብስ ፖንት አብዝቶ ማረግ
   • ስኳር ኤች አይ ቪ እና ሌሎች የሰውነት መከላከያ የሚቀንሱ ህመሞች
   • ሲጋራ ማጨስ
     _ ላክቶ ባሲለስ በብዛት የማህፀን ፈሳሽ ውስጥ የሚገኝ ባክቴሪያ ሲሆን አሲድ በማመንጨት ሌሎች ጎጂ ተህዋሲያን እንዳይራቡ ያደርጋል
     _ ከላይ የጠቀስናቸው አጋላጭ ነገሮች ሲኖሩ ግን የባክቴሪያው መጠን ስለሚቀንስ ሌሎች ጎጂ ባክቴሪያወች ሲራቡ ባክቴሪያል ቫጂኖሲስ የሚባል ጤናማ ያልሆነ ፈሳሽ የሚያመጣ ህመም ይመጣል
     *ምልክቱም ማሳከክ የሌለው ነጣ ቀጠን ያለ የአሳ ሽታ ያለው ፈሳሽ ነው
     _ ካንዲዳ አልቢካነስ የሚባል ፋንገስ በተወሰነ ደረጃ መሀፀን ውስጥ ይገኛል
     *ከላይ የጠቀስናቸው አጋላጭ ነገሮች ሲኖሩ ፋንገሱ በብዛት በመራባት ካንዲዲያሲስ የሚባል ኢንፌክሽን ያመጣል
     *ምልክቱም ማሳከክ እና ወፍራም ነጭ እርጎ የመሰለ ፈሳሽ ነው
     _ እንደ ማጠቃለያ ጤናማ ያልሆነ የማህፀን ፈሳሽ በሚኖርበት ጊዜ በግንኙነት የሚተላለፍና የማይተላለፍ ሊሆን ይችላል::
     ዶ/ር ዳዊት ዮሀንስ
     የቆዳና የአባላዘር ህክምና ስፔሻሊስት
     ጥላ የቆዳና የአባላዘር ህክምና ልዩ ክሊኒክ
     አድራሻ ቦሌ ቡልቡላ ማሪያም ማዞሪያ ፀሀይ ህንፃ ስልክ 0912050354 / 0967253625